«Թռչնի կաթ». Արագ պատրաստվող, նրբահամ տորթի պարզ բաղադրատոմս

875

«Թռչնի կաթ» սուֆլե տորթ պատրաստելու ամենադյուրին և արագ միջոցը:

«Թռչնի կաթ». Բաղադրությունը

Խմորը

  • 3  ձու
  • 125 գր  ալյուր
  • 1 թեյի գդալ  փխրեցուցիչ
  • 125 գր  շաքար
  • 8 մեծ ճաշի գդալ կակաո

Սուֆլե

  • 5  սպիտակուց
  • 300 գր շաքարի փոշի
  • 10 գր ժելատին
  • 100 գր ջուր

Գլազուր

  • 150 գր մուգ շոկոլադ
  • 100 կարագ

«Թռչնի կաթ». Պատրաստման եղանակը

  1. Ձվերը հարել շաքարով, ավելացնել ալյուր, փխրեցուցիչ և կակաո: Խառնել մինչեւ միասեռ զանգված ստացվի: Թխել 180-200 աստիճանի տակ 20 րոպե: Սառեցնել:
  2. 10 րոպե թրջել ժելատինը ջրի մեջ: Այնուհետև տաքացնել մինչև ամբողջությամբ լուծվի: Դրեք մի կողմ, որ սառչի:
  3. Հարել սպիտակուցները մինչև պինդ փրփուր դառնա: Շարունակելով հարել, լցնել շաքարի փոշի: Հարել մինչեւ թանձր կրեմ ստացվի: Այնուհետև, կրկին առանց հարելը դադարելու` լցնել ժելատինը:
  4. Կտրել տորթը երկու մասի, կամ մի փոքր կտրել վերին շերտից և թողնել մեկ կտորով: Բացվող ձևամանի մեջ դնել տորթը, ցանկության դեպքում, ներծծել այն սերուցքային լիկյորով: Լցնել սուֆլեն վրայից:
  5. Եթե ​​տորթը երկու կտորով է, ապա երկրորդ շերտով ծածկել սուֆլեն: Դնել տորթը սառնարանում մինչև սուֆլեն պնդանա:
  6. Հալեցնել կարագը և կոտրտած շոկոլադը` կաթսայում: Մարմանդ կրակի վրա, անընդհատ խառնելով, հասցնել համասեռության և թող սառչի:
  7. Սառեցված տորթը հանել բացվող ձևամանից և ծածկել գլազուրով:
  8. Այժմ, մնում է միայն սպասել, մինչև գլազուրը վերջնականապես սառչի:

Բարի ախորժակ: