ՍՏՈՒԳԵ՛Ք…5 նշան, որոնք վկայում են, որ դուք արդեն վարակվել եք COVID-19-ով …

349

«Օքսֆորդի գիտնականները ենթադրում են, որ կորոնավիրուսը կարող էր մարդկանց մեջ փոխանցվել առաջին պաշտոնական գրանցված դեպքերից դեռևս մեկ ամիս առաջ: Որոշ ախտանիշներ կարող են վկայել, որ մարդն արդեն կրել է կորոնավիրուսը : Այս մասին Արմենիա ԲԿ-ի ֆեյսբուքյան էջից են հայտնում․ Ինչպես հաղորդում է MedikForum.ru, կորոնավիրուսի տիպիկ ախտանիշներն են`

բարձր ջերմությունը (ջերմություն եք զգում կրծքին կամ մեջքին դիպչելիս), հազը, որը կարող է լինել մեկ ժամվա ընթացքում եւ օրվա մեջ երեք և ավելի անգամ: Սակայն Օքսֆորդի (Մեծ Բրիտանիա) համալսարանի գիտնականների ուսումնասիրությունը ցույց տվեց, որ բացի այս ախտանիշներից, կորոնավիրուսի մասին կարող են վկայել նույնիսկ ուրիշ այլ նշաններ…

«Վարակիչ հիվանդությունների էվոլյուցիոն էկոլոգիա» Օքսֆորդյան խումբը առաջադրեց այն վարկածը, որ մինչ COVID-19 վարակի մասին պաշտոնապես հայտարարվելը նոր Covid-19-ը արդեն որոշ ժամանակ տարածված է եղել մարդկանց մեջ: Այսպիսով, հետազոտողները համարում են, որ բրիտանական բնակչության մոտավորապես կեսը կարող է վարակված լինել վիրուսով, որոնց մեծ մասն այդ մասին անգամ չի էլ կասկածում:

Գոյություն ունի հինգ նշան, որոնք կարող են ասել այն մասին, որ Դուք արդեն վարակված եք եղել կորոնավիրուսով, ասում են գիտնականները: Հոտառության կորուստ: Հարվարդի Բժշկական դպրոցի աշխատակիցները հայտնաբերել են, որ քթի որոշ բջիջներ իր մեջ պարունակում են սպիտակուցներ, որոնք թիրախ են կորոնավիրուսի համար. ամրանալով դրանց վրա՝ վիրուսը թափանցում է օրգանիզմ: Այդ բջիջների վարակումը կարող է բերել հոտառության կորստի, գոյություն չունեցող հոտերի զգացողության:

Գիտնականները տեղեկացրել են, որ այս ախտանշանով մարդիկ «կարող են լինել թաքնված վիրուսակիրներ, որոնք նպաստում են COVID-19-ի արագ տարածմանը»: Կոնյուկտիվիտ: Ակնաբույժների ամերիկյան ակադեմիան տեղեկացրել է, որ կորոնավիրուսը «կարող է բերել թեթև ֆոլիկուլյար կոնյուկտիվիտի առաջացման»: Տվյալ դեպքում դիտվում է աչքերի արյունալեցում, այրոց, քոր, թարախի առաջացում, որը կպչում է թարթիչներին: .

Լուծ: Ուհանում, որտեղ սկսվել է COVID-19 բռնկումը, 204 հիվանդի հետազոտումը ցույց տվեց, որ հիվանդների գրեթե կեսը (48,5%) հիվանդանոց դիմել է մարսողության խանգարումներով՝ որպես հիվանդության հիմնական ախտանիշ: Հիմնականում բողոքել են լուծից: Ցավ որովայնում: Բրիտանացի փորձագետները հաղորդում են, որ ներկայում երկրի հիվանդանոցներում դիտվում է կորոնավիրուսով այն հիվանդների քանակի ավելացում, որոնց մոտ ոչ այնքան շնչական խանգարումներ են դիտվում, որքան որովայնային (ավելի հստակ՝ ցավ որովայնում): բժիշկների կարծիքով, դա կարող է թոքերի ստորին բլթերում թոքաբորբի հետևանք լինել:

Հոգնածություն: ԱՀԿ-ն փաստում է, որ կորոնավիրուսային հիվանդության նշան կարող է լինել հիվանդի համար ոչ սովորական արտահայտված հոգնածությունը: Փորձագետները կոչ են անում վերոնշյալ ախտանիշների դեպքում անպայման դադարեցնել շփումը շրջապատի հետ ու չհայտնվել հասարակական վայրերում: Ավելի վաղ MedikForum.ru պորտալը գրել է COVID-19 հիվանդության ընթացքում մարմնի 1-ին ու հաջորդող հատվածների վարակման ախտանիշների մասին: