«Ձեր կողքին ենք տղերք ջան, դուխով». Հաագայում հայերը ցույց են անում Ադրբեջանի դեսպանատան դիմաց

320

 

Հաագայում տեղի հայ համայնքի ներկայացուցիչները ակցիա են իրականացնում Ադրբեջանի դեսպանատան դիմաց. Նրանք վանկարկում են՝ «Artsakh is Armenia» (Արցախը Հայաստան է), Ստեփանակերտ-Արցախ, Շուշի- Արցախ, Հադրութ- Արցախ, Մարտունի- Արցախ, Մարտակերտ- Արցախ, Բերձոր-Արցախ, Ակնա-Արցախ, Վարանդա-Արցախ, «Ալիեւ տեռորիստ», «Մենք միշտ ձեր կողքին ենք, տղերք ջան», «Դուխով»:

Ապա հայերը սկսեցին երգել հեղափոխության երգերից մեկը. «Հայեր ջան դուխով», ապա նաեւ «Հայեր միացեք» երգը:

Ցուցարարներից մեկը նշեց. «Եկել ենք ասելու, որ չփորձեք մեր ազգի հետ խոսել պատերազմի լեզվով, դադարեցրեք տեռորիզմը, դադարեցրեք ագրեսիան»:

Հայ ցուցարարները Ադրբեջանի դեսպանատնից որոշակի հետավորության վրա են, իսկ դեսպանատան դիմաց հավաքված են ադրբեջանցիները, որոնց ձեռքին կան Ադրբեջանի դրոշներ: Նրանց վանկրկումները հեռավորության պատճառով լավ չի լսվում:

Ցուցարարների երկու խմբի միջեւ կանգնած են ոստիկանները: