ՀՐԱՏԱՊ ՖՈՏՈ․ Քիչ առաջ Արցախում միջադեպ է տեղի ունեցել ադրբեջանցիների մասնակցությամբ․ Ինչ է կատարվել

314

Մայիսի 5-ին Արցախում միջադեպ է տեղի ունեցել ադրբեջանցիների մասնակցությամբ: Ըստ Ֆեյսբուք սոցիալական ցանցի արցախցի օգտատերերի՝ Արցախի Հանրապետության Մարտակերտի շրջանի ճանապարհներով անցնող ադրբեջանական ավտոշարասյունը՝ Մարտակերտ-Հաթերք ճանապարհին, դիտավորյալ այնպես է արել, որ հայկական ավտոմեքենան գլորվել է ձորը: Դատելով գրառումներից բարեբախտաբար լուրջ տուժածներ չկան:

Ֆեյսբուք սոցիալական ցանցի արցախյան տիրույթում օգտատերերը տարածում են Անուշ Առաքելյան օգտատիրոջ հրապարակած գրառումներն ու լուսանկարները, ում հետ տեղի է ունեցել վերոնշյալ միջադեպը:

Անուշ Առաքելյան օգտատերը Ֆեյսբուքում այսօր հրապարակում է արել, որտեղ նշում է. «Մեկդ էդ թուրքերին ասեք, որ իրանց մտածածը չեղավ!!! Ընկերներս, ապրեք շաատ էդքան զանգելու ու անհանգստանալու համար, մենք լավ ենք, հավատացեք էս սաղ պատմության մեջ անհանգստանալ ուրիշ բանի համար ա պետք։ Էդ նույն ճանապարհով (Մարտակերտից մեր ճանապարհով, մեր հայրենիքով, գնում էինք Հաթերք գյուղ) օրը հազար անգամ անցնում են լիքը մարդիկ, լիքը էրեխեք։  Գիտակցել ա պետք, որ եթե նույնիսկ էս պայմաններում, ոչխարազգիները չեն ուզում զգույշ քշել ու հատուկ հրում են, որ ընկնես ձորը(դե մի հայ ավել մի հայ պակաս), պատկերացնում եք ինչ ա լինելու, եթե մենք «բարեկամություն» անե՞նք: Հաա, էն ովքեր չեն գիտակցում,ցույց եմ տալիս, էսօրվա մեր հետ կատարվածը ամենաթեթև ձևն ա էն ամենի ինչ լինելու ա։  Էդ դեռ հեչ, էնքան լավ բանի համար էինք ճանապարհ գնում, գնում էինք լիքը էրեխեքի պատմենք,մոտիվացնենք, որ շաբաթը մեկ անգամ էդ նույն ճանապարհով գան Մարտակերտ։  Ամեն դեպքում թուրքն, է~ ասում եմ թուրքն, ոչխարն էդքան չկա որ մեզ մեր նպատակից շեղի։ Մենք հայի խասյաթ ունենք, մեզ ձորն են գցում, մենք կանգնում, շորերներս թափ ենք տալիս, մի քիչ գոռգռում ենք, ու շարունակում ենք մեր գործը։ Էսքան բան։  Շնորհակալ եմ բոլորին, ովքեր ճանապարհին անտարբեր չանցան։  Շնորհակալ եմ մեր ՈՍՏԻԿԱՆՆԵՐԻՆ, որ կաշվից դուս էին գալիս, որ դրանց սուրուրն կանգնեցնեն ու պատասխանատվության ենթարկեն։ Իրենցից մեկին, որպես իրական Ոստիկանի օրինակ երկար կհիշեմ։ Դե անկախ ամենից,սպասիբո նաև խսղաղապահների էդ մեքենայի անձնակազմին(մի քիչ շատ ներվերներներն կերա, ասածներս էլ հուսամ կհիշեն))) Փառք Աստծուն, որ միշտ հետս ա, ու եթե էրկու մետր էն կողմ ընկնեյինք, հաստատ տխուր փոստեր էիք գրելու հիմա իմ մասին))) Չէի պատկերացնի որ էսօրն իմ հետ ա տեղի ունեցել, բայց սա կոնկրետ հետևություններ անելու օր էր։

Հ.Գ էդ հոտի ու կոնկրետ էդ ոչխարի ճակատագրին տեղյակ չեմ, բայց հուսամ լավ չեն»:

 

Կիսվելով Անուշ Առաքելյանի գրառումով՝ Դավիթ Գաբրիելյանը նշում է.

«Էս էն նվազագույննա ինչ սպասվումա:  Մարտակերտից կողքի գյուղ ճանապարհին թուրքի ավտոշարասյունը ինադու նենցա արել, որ մեր մեքենան գլորվելա ձորը, հասկանում եք, քեզ ավտոյով բրդեն, քցեն ձորը: Սա առնվազն նորմալ չի, սա առնվազն մտածելու լիքը տեղիքա տալիս:

Նույն ճանապարհով գնում են և դրանք, և մենք, հետևություն ինքներդ արեք»:

 

Իրինա Սաֆարյան օգտատերը նույնպես կիսվելով Անուշ Առաքելյանի գրառումով՝ նշում է.

«Բարև թուրքի հետ խաղաղ համակեցության դարաշրջան: Սպասենք պաշտոնական հետաքննության եզրակացությանը, իսկ մինչ այդ՝ ինքս կփորձեմ պարզել, թե ինչպես է այս ամենը տեղի ունեցել»: