ժողովրդական բաղադրատոմսեր մեջքի ցավը մեղմելու համար

151

Մեջքի ցավերը կարող են պարզապես անտանելի լինել և զգալիորեն վատացնել մարդու կյանքի որակը, ուստի զարմանալի չէ, որ մարդիկ փորձում են հնարավորինս արագ ազատվել այս խնդրից: Գոյություն ունեն տարբեր դեղամիջոցներ, որոնք օգնում են մեղմել ցավը, սակայն դրանք կարող են իրենց հերթին առաջացնել մի շարք կողմնակի բարդություններ, քանի որ պարունակում են վնասակար քիմիական տարրեր:

Սակայն կան նաև բազմաթիվ բնական միջոցներ, որոնք նույնքան արդյունավետ են, սակայն շատ ավելի անվնաս, քանի որ չեն պարունակում որևէ վնասակար տարր ու չեն առաջացնում կողմնակի բարդություններ: Ձեզ ենք ներկայացնում լավագույն կոմպրեսները մեջքի ցավերը մեղմելու համար:
1:1:1 հարաբերակցությամբ խառնել ծորուն մեղրը, բուսայուղն ու օղին, այնուհետև տաքացնել խառնուրդը տաք գոլորշու վրա: Գոլ խառնուրդը քսել մեջքին, ծածկել մառլայով, այնուհետև պոլիէթիլենային տաղանթով ու տաք շարֆով: Այս կոմպրեսը հարկավոր է թողնել 1 ժամ, որից հետո ցավը զգալի կմեղմվի:
Կես կիլոգրամ կարտոֆիլը եփել, այնուհետև առանց կեղևազրկելու այն տրորել և ավելացնել 2 ճաշի գդալ կերակրի սոդա: Խառնուրդը լցնել երկշերտ մառլայի վրա, այնուհետև դնել գոտկատեղին (կարտոֆիլը պետք է հպվի մաշկին): Ծածկել կոմպրեսը պոլիէթիլենային տաղանթով ու տաք շարֆով և թողնել մեկ ժամ:
1.5 բաժակ բողկին ավելացնել 1 բաժակ բնական մեղր ու կես լիտր օղի, այնուհետև ստացված խառնուրդն օգտագործել մեջքի ցավի ժամանակ ախտահարված հատվածը շփելու համար: