ՏԵՍԱՆՅՈՒԹ։Կանայք հանվում են այդտեղ, ես էլ եմ հանվել․ Տնօրենը գաղտնի տեսախցիկ է տեղադրել էլիոսի կաբինետում

1726

SHAMSHYAN.com-ն ահազանգ է ստացել Երևան քաղաքի Ազատության 25 հասցեում գործող «Մանանա» գեղեցկության սրահի դիմահարդար Էվելինա Հակոբյանից, ով հայտնել է, որ տնօրենը, առանց իրեն տեղյակ պահելու, հետևաբար նաև, առանց հաճախորդների իմացության, տեսախցիկ է տեղադրել իր աշխատասենյակում, որտեղ իրականացվել է նաև էլոս էպիլյացիա:

«12 տարի աշխատել եմ այդտեղ, աշխատում էի դիմահարդար, իմ սենյակում կատարում էի նաև դեմքի և ամբողջ մարմնի մազահեռացում: Մինչև կորոնավիրուսը մեր սենյակում տեսախցիկ չի եղել, չի էլ թույլատրվում դնել, քանի որ մարդիկ այդտեղ մերկանում են: Եթե անգամ դրվեր էլ, պետք է զգուշացվեր այդ մասին թե՛ ինձ և թե՛ հաճախորդներին:

Տնօրենը թաքուն պատը ծակել է ու պատի մեջ տեսախցիկ է դրել, տեսախցիկն աշխատել է ամսի 10-20-ը, նկարվել ու տեսաձայնագրվել է ամբողջը, անգամ իմ անձնական կյանքը, երբ ես հեռախոսով եմ խոսում: Կանայք հանվում են այդտեղ, ես էլ եմ հանվել, ինձ մազահեռացրել։

Առանց իմանալու, բոլորս մերկ, ինչ, որ արել ենք, սաղ նկարվել է, տարբեր բնագավառի կանայք ու աղջիկներ են գալիս:

Ես պատահական եմ հայտնաբերել տեսախցիկը, երբ նկատեցի թարթող կապույտ լույսը, գտա, տեսա՝ մեջը չիպ կա, չիպը հեռախոսով չբացեց, տարա ծրագրավորողի մոտ, չիպը բացեց, տեսնենք, մեջը ամբողջը նկարված է»:

Աշխատակցուհին տնօրենին հարցրել է, թե ինչու է նման ստոր քայլի գնացել, տնօրենն ասել է, թե դա արել է, քանի որ մտածել է, որ իր աշխատակիցը հաճախորդ ու գումար է գողանում իրենից.

«Ասում եմ՝ կադրերում բոլորս մերկ ենք, ի՞նչ եք արել, ասաց՝ լավ եմ արել, դրել եմ, դու ինձնից հաճախորդ ես գողացել, ասել եմ՝ ապացուցի, ասում է՝ գումար ես գողացել, ասել եմ՝ ապացուցի, կադրերում երևում է, որ հաճախորդը կասսայում է վճարում»:

Աշխատակցուհին կատարվածի համար դիմել է ԱԱԾ, ԱԱԾ-ն եկել, առգրավել է չիպն ու պատի միջից հանել տեսախցիկը. «Տնօրենն ինձ ասում էր՝ ո՞ւր պետք ա գնաս, բողոքես, ինձ ոչ մեկ ոչ մի բան չի կարող անել…իր տղան քննչական բաժիններից մեկում 3 ամիս է՝ քննիչ է աշխատում, երևի հույսը քննիչ տղայի վրա է դրել, որ կարող է թացից չոր դուրս գալ: Բայց չի մտածում, որ ինքը խախտել է բարոյական ու իրավական բոլոր օրենքները»:

Դիմահարդարն ասում է՝ մեր հրապարակումով ցանկանում է, որ տվյալ գեղեցկության սրահ ներկայումս այցելող հաճախորդներն իմանան, որ իրենց գաղտնի տեսագրում են և չայցելեն. «Մարդիկ եկել են, գումար տվել, իրենց գործողություններ են արել, ինքն էլ փռվել է մեջքի վրա ու նայել, թե ոնց են կանայք հանվում-հագնվում»:
Նյութի աղբյուրը՝ andradardz.am