Ամանորյա բլից հարցեր`երգչուհի Իրինա Հարությունյանի հետ:
Տարվա լավագույն օրը, որը կմտաբերեք:
Լավագույն օրերից մեկը «Բուֆի» կենտրոնի բացումն էր,որն իր մեջ ներառում է շների ու կատուների հյուրանոց, և փոքրիկ խանութ սրահ:
Տարվա վատագույն օրը հիշու՞մ եք:
Ես առհասարակ լավատես եմ՝ վատ օրերը չեմ հիշում երբեք:
Ինչ տվեց 2024-ը, ինչ փոխվեց Ձեր կյանքում:
Ավելի շատ գործնական էր ինձ համար, սկսեցի ակտիվ աշխատել իմ յութուբյան ալիքի վրա, ինչը շարունակական է լինելու:
Ընդհանուր առմամբ դրակա՞ն էր տարին, թե՞ բացասական:
Ընդհանուր առմամբ դրական տարի էր ու փառք Աստծո, որ որևէ հարազատի կորուստ ու դժբախտ պատահար չունցա:
Ինչպես եք նշում Ամանորը յուրաքանչյուր տարի: Այս տարի ինչպես և որտեղ եք նշել:
Առանձնահատուկ եմ նշում՝ յուրաքանչյուր տարի ինձ համար տարբեր է լինում, այս տարի 00:00-ին եղել եմ բեմում, ինչի համար շատ ուրախ եմ:
Ամանորյա սեղանի ամենասիրելի ուտեստը:
Առանձնացնել չեմ ցանկանում, քանի որ ինձ գրավում են ոչ թե ուտելիքներն, այլ ընդհանուր տոնական ու ավանդական իրավիճակն ու ընտանեկան ջերմ ու տաք մթնոլորտը:
Որոնք են սպասելիքները 2025 թվականին:
Շատ սպասելիքներ ունեմ 2025-ից, ուզում եմ նշել, որ ուրախացնելու եմ բոլոր նրանց, ովքեր ինձ շատ են սիրում և տխրեցնելու եմ բոլոր նրանց, ովքեր այդքան էլ շատ չեն սիրում:
