Իսպանիայում կինը մահացել է երեխաների աչքի առաջ այն բանից հետո, երբ նրան կծել է ընտանի խամյակը։ Այս մասին հայտնում է բրիտանական Metro հրատարակությունը։
Աղբյուրի փոխանցմամբ՝ իսպանական Վիլյառեալ քաղաքում բնակվող Կոլումբիայի քաղաքացի 38-ամյա երկու երեխաների մայրը վատ է զգացել իր տանը ապրող ընտանի կենդանու կծելուց հետո։ Վերք ստանալուց հետո կինը երեխաների հետ գնացել է բուժհաստատություն, սակայն հիվանդանոցի մուտքի մոտ կորցրել է գիտակցությունը։
Հիվանդանոցի աշխատակիցներին չի հաջողվել փրկել տուժածին, չնայած սրտանոթային վերակենդանացմանը: Բժիշկների կարծիքով՝ մահվան պատճառ կարող էր լինել ծանր ալերգիան, որը առաջացրել էր անաֆիլակտիկ շոկ։
